அமுததாரணை - ஞானக் குறள்

அண்ணாக்குத் தன்னையடைத் தங்கமிர் துண்ணில் விண்ணோர்க்கு வேந்தனு மாம்.

61

ஈரெண் கலையி னிறைந்தவமிர் துண்ணில் பூரண மாகும் பொலிந்து.

62

ஓங்காரமான கலசத்தமிர் துண்ணில் போங்காலமில்லை புரிந்து.

63

ஆனகலசத் தமிர்தை யறிந்துண்ணில் போனகம் வேண்டாமற் போம்.

64

ஊறுமமிர்தத்தை யுண்டியுறப் பார்க்கில் கூறும் பிறப்பறுக்க லாம்.

65

ஞான வொளிவிளக்கா னல்லவமிர் துண்ணில் ஆன சிவ யோகி யாம்.

66

மேலையமிர்தை விளங்காமற்றா னுண்ணில் காலனை வஞ்சிக்க லாம்.

67

காலன லூக்கங் கலந்த வமிர்துண்ணில் ஞான மதுவா நயந்து.

68

எல்லையி லின்னமிர்த முண்டாங் கினிதிருக்கில் தொல்லை முதலொளியே யாம்.

69

நிலாமண்டபத்தி னிறைந்த வமிர்துண்ணில் உலாவலா மந்தரத்தின் மேல்.

70