மோட்சம் செல்லும் வழி - ஞானக் குறள்

ஆதியாய் நின்ற வறிவுமுத லெழுத் தோதிய நூலின் பயன்.

1

பரமாய சத்தியுட் பஞ்சமா பூதந் தரமாறிற் றோன்றும் பிறப்பு.

2

ஓசை பரிசமுருவஞ் சுவை நாற்ற மாசை படுத்து மளறு.

3

தருமம் பொருள் காமம்வீடெனு நான்கு முருவத்தா லாய பயன்.

4

நிலமைந்து நீர் நான்கு நீடங்கி மூன்றே யுலவை யிறண்டொன் றுவிண்.

5

மாயன் பிரமனு ருத்திரன் மகேசனோ டாயுஞ்சிவ மூர்த்தி யைந்து.

6

மாலய னங்கி யிரவிமதி யுமையோ டேலும் திகழ்சத்தி யாறு.

7

தொக்குதிரத் தோடூன் மூளைநிண மென்பு சுக்கிலந் தாதுக்க ளேழு.

8

மண்ணோடு நீரங்கி மதுயொடு காற்றிரவி விண்ணெச்ச மூர்த்தியோ டெட்டு.

9

இவையெல் லாங்கூடி யுடம்பாய வொன்றி னவையெல்லா மானது விந்து.

10